Thomas Bach oo u dhashay dalka Jarmalka horeyna u ahaa guddoomiye ku-xigeenka guddiga olimbikada adduunka (IOC) ayaa loogu doortay magaalada Bounes Aires ee dalka Argentine in uu noqdo guddoomiyihii sagaalaad ee hogaamiya hay’adda ugu wayn sportga dunida ee IOC da.
Thomas Bach ayaa tartankan oo laba wareeg ahaa waxa uu uga guulaystay saaxiibadiisa kale oo kala ahaa Sergey Bubka (Ukraine), Richard Carrion (Puerto Rico), Ser Miang NG (Singapore), Denis Oswald (Switzerland) iyo Ching-Kuo Wi (China-Taipei).
Guddoomiyaha cusub ee GOA oo doorashada ka dib ka hadlay halkaasi ayaa uga mahadceliyey guddoomiyihii hore kalsoonidii wanaagsanayd ee uu tusay mudadii uu xilka hayey iyo harumarka wanaagsan ee uu ku hogaamiyey hay’addan mudadii 12 ka sanadood ahayd ee uu hayey xilka guddoomiyanimada.
“Ugu horeyn waxa aan jeclahay in aan idinkaga mahadceliyo aaminaadda aad igu aaminteen xilkan, waxaan kaloo u mahadcelinayaa asxaabtii igula tartantay xilkan kuwaasoo aan u hayo xushmad badan, waxaan ku hogaamin doonaa hay’addan sida ugu haboon ee aan u arko waanan dareensanahay mas’uuliyada uu xambaarsan yahay xilkani†ayuu yiri guddoomiyaha cusub ee IOC Thomas Boch.
“Waxaan rabaa in aan idiin caddeeyo in aan guddoomiye u ahay dhamaantiin, waxaanan isku dayi doonaa in aan miisaan wanaagsan ku sameeyo sidii aan idiin hogaamin lahaa waana taas midda aan u rabo in aan idiin dhagaysto isla markaana ka wadahadalno arimaha hay’addan dhamaantiin†ayuu si kalsooni leh ugu daray guddoomiyaha cusub ee IOC Thomas Bach
Guddoomiyaha cusub ayaa badali doona guddoomiyihii hore ee hay’addan Jaqcues Rogge oo xilkan hayey muddo 12 sanadood ah waxaana guddoomiyaha cusub uu xilkan hayn doonaa muddoo sideed sanadood ah asagoo mar kalena isku soo taagi kara xilka muddo afar sano ah oo kaliya.
Guddiga Olimbikada Adduunka oo guddoomiye cusub doortay.
Thomas Bach oo u dhashay dalka Jarmalka horeyna u ahaa guddoomiye ku-xigeenka guddiga olimbikada adduunka (IOC) ayaa loogu doortay magaalada Bounes Aires ee dalka Argentine in uu noqdo guddoomiyihii sagaalaad ee hogaamiya hay’adda