Wiil yar ayaa geeriyoodey labo kalena wuu ku dhaawacmay kadib markii ay Miino kula qaraxdey Goob banaan ah oo kubadda cagta ay ku ciyaarayeen degmada Balanbale oo u dhow xuduuda Somaliya ay la wadaato dalka Ethiopia.

Caruurta waxyeeladu gaartayayaa da’doodu u dhexeysay 7-10 waxaana tirdaoodu ay ahayd tobonaeeyo,iyagoo labo kooxood u kala saftay,waxaase la maqley qaraxa oo aad u xoog badnaa,kaasi oo sababatay in isla goobta uu ku geeriyoodey wiil 8 sano jir ahaa,halka labada kale ee dhaawaca ahna loo qaadey magaalada galkacyo si halkaasi loogu dabiibo.

Gudiga Olombikada Soomaaliyeed ee GOS iyo XSKC ayaa war saxaafadeeday soo saareen waxay si weyn uga naxeen qaraxaasi ay ku waxyeeloobeen ciyaaryahanadu,iyagoo tacsi la wadaagay qoyskii iyo eheladii sidoo kalena caafimaad u rajeeyey labada kale ee dhaawacantey.

GOS ayaa bilihii la soo dhaafay garoomada dalka gaar ahaan Muqdisho kusoo bandhigtey barnaamij lagu dalbayo in la ilaaliyo nadaafadda goobaha ciyaaraha iyo in walxaha qarxa aan la dhigin goobaha ay ciyaartoydu heerkey doonaanba ha ahaadaane ay ku ciyaaraan sida garoomada waaweyn iyo kuwa xaafadaha.

Barnaamijkaasi ayey GOS u marisey bulshada Idaacadaha iyo websityada Soomaalida,iyadoo sidoo kale garoomada iyo goobaha ciyaaraha lagu xardhey halku dhegyo faraya in goobaha ciyaaraha la ilaaliyo nadaafadooda.

Xoghayaha GOS Duraan Faarax ayaa sheegay inay si weyn uga xunyihiin qasaaraha gaaray ciyartoydan wuxuuna mar kale ku celiyey sida loogu baahan yahay in maamulada kala duwan iyo dadka Sportiga ka shaqeeya inay isku howlaan nadaafadda garoomada iyo in waxyeeladan oo kale aysan usoo gaarin ciyaartoyda.

DHEGEYSO FARIINTA GOS

W/D: C/Xafiid Zaciimka

Nocsom Media Department.