Guddiga Olombikada qaranka Soomaaliya ee GOS ayaa Muqdisho ka bilaabay tartamada lagu weeyneynayo maalinta caalamiga ah ee Olympic -Day taasi oo kubeegan 23ka bisha Juunyo 2013.
GOS ayaa sanad kasta ku maamusta Olympic day tartamo kala duwan oo isugu jira noocyada Ciyaaraha,sida Kubadda Koleyga,Kubadda gacanta,Ciyaaraha fudud,xarig jiidka,iyo tartamo kale,iyadoo wadooyinka waaweyn lagu arko ciyaaryahano xiran Astaanta shanta goobaabo ee Olombikada caanka ku tahay,waxaana sanadkan dhinaca dhaqaalaha gacan ka siineysa Shirkadda xawaaladda ee Dahabshiil oo kamida shirkadaha ka howlgala dalka ee sida weyn u dhiirigelisa sportiga.
Garoonka Kubadda Koleyga ee Wiish ex luugino ayaa maanta lagu soo bandhigey Funaanadaha astaanta GOS iyo Olombikadu ay ku taalo,kuwaa oo ay xirnaayeen ciyaaryahanada kooxaha HEEGAN iyo I L S oo ciyaar si weyn looga masquudey halkaasi kusoo bandhigey.
Kaaliyaha Xoghayaha GOS Maxamed Xuurshe Xasan (EENOW) ayaa sheegay in Guddiga olombikada Sooomaaliya Muhiimad gaar ah ugu fadhido qabashada tartamada iyo xuska maalmaha caalamiga ah ee IOC gaar ahaan Olympic -Day.
"Sanadkasta ayaanu sidaan oo kale uga qeybgalnaa maalinta farxadda leh ee 23ka Juunyo,inagoo qabana tartamo iyo barnaamijyo kale,waxaana iminka bilowney barnaamijyadaa oo socon doono ku dhowaad hal todobaad oo lagu tartami doono noocyo sport oo ayka qeybgalayaan in kabadan 500 oo ciyaartoy”ayuu raaciyey Eenow.
Maalinta 23ka Juun Olympic -Day ayaa dhamaan dalalka xubnaha ka ah IOC ee caalamka si weeyn loogu dabaal degaa,iyadoo tartamo iyo barnaamijyo kale lagu maamuuso.
C/Xafiid Zaciimka
NOC Media Dep.
Facebook 
Twitter 
0 
GOS oo Muqdisho kabiloowdey todobaadka Xuska Maalinta caalamiga ah ee Olympic-day + sawirro
Guddiga Olombikada qaranka Soomaaliya ee GOS ayaa Muqdisho ka bilaabay tartamada lagu weeyneynayo maalinta caalamiga ah ee Olympic -Day taasi oo kubeegan 23ka bisha Juunyo 2013.