Guddiga Olympikada Soomaaliyeed ee GOS ayaa magaalada Muqdisho kusoo gabo-gabeeyey Shir-weynihii Guddigaasi,kaasi oo labo maalin 14-15ka bisha ka socday hotelka Shamow ee gobolka banaadir.
Shir-sanadeedka oo ay kasoo qeybgaleen Gudoomiye Ku-xigeenka Arimaha bulshada ee maamulka G/Banaadir Xildhibaano katirsan baarlamaanka oo kala ah,Ex-garsoore C/Raxmaan Xaaji Aaden Ibbi, iyo Siciid Maxamed maxamuud Xeyd,Madaxda GOS,Madaxda Xiriirirada & Ururada Hoos yimaada GOS ,wakiilada Shanta Zone ee Olombikada iyo bahda saxaafadda.
Shir-sanadeedka ayaa waxaa warbixin looga dhegeystay Xoghayaha GOS Duraan Axmed Faarax kaasi oo ka warbixiyey howlaha waxqabadka Guddiga ee gudaha iyo dibadda iyo wixii u qabsoomay labada sano ee uu guddigu dhisanyahay tan iyo markii lasoo doortey iyo wixii dib u dhac ah.
Waxaa halkaa lagu soo bandhigey Buug cusub oo wax qabadka GOS sanadkii lasoo dhaafay,Qorshe howleedka afarta sano ee soo socota,Calaamad cusub oo astaan u noqon doonta GOS oo lagu bedeley Naqshadii hore,Buuxinta Booskii Gudoomiye ku-xigeenkii sadexaad ee geeriyoodey,iyo Xubin cusub oo lagu soo biiriyey guddiga fulinta ee GOS,waxaana aad loogu amaaney shirkadaha GOS u sxbka la ah ee gacanta ka geysta dhiirigelinta Sportiga oo ay u kala horeeyaan Jubba Airways,Hormuud iyo Dahabshiil.
Dhinaca kale Xubno katirsan Gudoomiyayaasha Xiriirada hoos yimaada GOS ayaa dhankooda ka warbixiyey wixii ay qabteen iyo dib-udhacyada iyagoo soo jeediyey talooyin ku aadan sidii loo dhaqaajin lahaa dhinacyada kala duwan ee Sportiga dalka.
Qaar katirsan Madaxda Zone-ska ee halkaasi joogtey ayaa ka hadlay howlaha u qabsoomey iyo tartamada iyo Mashaariicda horumarineed ee deegaanadooda lagu qabtay sanadkii tegey,iyadoo ay jireen Zone-s ka codsadey GOS in markaan Il gaar ah loo yeesho deegaanadooda maadaama uu Amnigu goobahaasi iminka yahay mid leysku haleeyn karo.
Gudoomiyihii Hore GOS ahna Gudoomiye sharafeedka hey’adaasi C/Laahi Ibraaim Gacal Abkoow ayaa si weyn usoo dhoweeyey howlaha ay hey’addu ku hormarineyso Cayaaraha dalka isago ka sheekeeyey marxaladihii Spotiga dalku soo marey,waxaana lagu sharfay inuu isagu bixiyo Abaal-marinta Naadiga sanadka 2014 oo GOS u aqoonsatey Naadiga qeybaha kala duwani ka kooban ee HORSEED.
Gudoomiyaha GOS C/laahi Axmed Tarabi oo Shirweynaha soo xirey ayaa ka qeybgalayaashii isugu jirey dhamaan Guddiga Fulinta GOS, ee Madaxda xiriirada,Madaxda Ururada,Madaxda Zone-ska iyo Bahda saxaafadda kula dar-daarmay ineey si wadajir ah gacan uga geeystaan Horumarinta Sportiga dalka guud ahaan.
C/Xafiid C/samad Zaciimka
NOC Media- Mogadishu
Facebook 
Twitter 
0 
Shirwaynihii GOS oo Mogadishu lagu soo gabagabeeyey.
Guddiga Olympikada Soomaaliyeed ee GOS ayaa magaalada Muqdisho kusoo gabo-gabeeyey Shir-weynihii Guddigaasi,kaasi oo labo maalin 14-15ka bisha ka socday hotelka Shamow ee gobolka banaadir.