Mas'uuliyiin ka socotay Guddiga Olombikada Soomaaliyed oo uu horkacayey xoghayaha Duraan Axmed Faarax kormeer hawleed ku sameeyay garoonka tababarka cayaartoyda orodada ee xulka qarannka Soomaaliyeed oo diyaar garowga ugu jra cayaaraha (All African Games) kuwaasoo Bisha September ee sanadkan ka dhici doona dalka Congo.

Xoghayaha GOS oo halkaasi kula hadlay orodyahanadan oo isugu jiray wiilal iyo gabdho ayaa u sheegay in ay xero ku jiri doonaan mudo 4 bilood ah ee soo socota taasina ay tahay xili wanaasgan oo ay ugu diyaargaroobi karaan tartanka All african Games.

 

Duran ayaa dhanka  kale ciyaartoyda kula dardaarmay in ay noqdaan kuwa u hogaansama amarada macalimiintooda isla markaana tababarka ay si wanaagsan u qaataan.

 

"Guddiga Olimbikada Soomaaliyeed waxaa uu aad ugu dadaali doonaan sidii aad u heli lahaydeen waxyaabaha aad u baahan tihiin si aad tababar wanaagsan u heshaan idinkana waxaa la idinka rajaynayaa in aad kaalintiina ka soo baxdaan guulaha iyo horumarka la idinka filayana ku dadaashaan". Ayuu Xoghayaha hadalkiisa ku soo gebageeeyay.

 

Ciyaartoyda u xaraysan diyaargarawga cayaaraha Afrika ayaa ka kooban 12 cayaartooy, 9 wiil iyo 3 gabar waxaana tababarka siin doona 3 macalin oo ka mid ah macalimiinta cayaaraha fudud ee dalka ayagoo xaraysnaan doona ilaa bisha August ee sanadkan.

W/D: Xuseen Maxamed Hadaafow

Waaxda Warfaafinta Gos