Guddiga Olombikada Soomaaliyeed (GOS) ayaa kulan la qaatay Golaha Abwaanada Soomaaliyeed (GAS), waxaana kulankan kasoo qeyb galay Guddoomiyaha Gos Cabullaahi Axmed Tarabi , Xubno katirsan Guddiga Fulinta Gos, Guddoomiyaha Golaha Abwaanada Max'ud Cabdullahi Ciise Sangub kuxigeenadiisa iyo xubnaha golaha.

Kulanka oo ka dhacay xarunta Gos Waxaa ujeedkiisa uu ahaa sidii Gos iyo Golaha Abwaanada Isaga kaashan lahaayeen Horumarinta arimaha bulshada oo fanka iyo isboortiga qaybta ugu muhiimsan ku jiraan.

Masuuliyiinta Gos iyo Golaha Abwaanaa ayaa kasheekeeyay waayihiin wacnaa ay soo mareen fanka iyo isboortiga Soomaaliyeed sanadahii 70-aadka iyo 80-aadka iyo qaabkii ay uwada Shaqeyn jireen.

Guddoomiyaha Golaha Abwaanada Max'ud Cabdullaahi Sanguboo goobta ka hadlay ayaa sheegay in hadafkoodu yahay sidii ay dib ugu soo nooleyn lahaayeen wadashaqayntii lagu yaqiin ee ka dhaxaysay fanka iyo isboortiga maadaama ay uwada taagan yihiin horumarinta bulshaa Soomaaliyeed gaar ahaan dhalinyarada.

Abwaan Sangub tilmaamay in isboortigauu dhiso jirka iyo maskaxda ,Abwaanaduna ay dhisaan Maskaxda haddii ay isk aashadaana ay soo saari karaan dhalinyarowanaagsan oo horumarka dalka ka qeyb qaadata waxuuuna intaa ku daray in Abwaanada ay abuuri doonaan Riwaayado iyo Heeso lagu dhiira gelinayo cayaartoya ka hor qabashada tartanada kala gedisan ee isboortiga dalka.

Sidoo kale waxaa goobta ka hadlay Guddoomiyaha GOS Cabullaahi Axmed Tarabi waxuuna Sheegay in ay Gos soo dhaweyneyso go'aanka Abwaanada waxuuna ku tilmamay in ay tahay tallaabo loo baahan yahay oo laf dhabar u ah dhiira gelinta isboortiga.

Guddoomiye Tarabi ayaa dhanka kale GolahaAbwaanaa uga mahad celiyaygo'aanka ay ku doonayaan in garab istaagaan isboortiga Soomaaliyeed waxuuna ka ballan qaaday in lagu soo war gelin doono shiraraka iyo tartanada cayaaraha dalka ayna si joogta u wada shaqeyn doonaan

W/D: Xuseen Maxamed Hadaafow

Nocsom Media Depatment