Waxaa magaalada Port Louis ee dalka Mauritius lagu soo gebagabeeyay shirweynihii 16aad ee ANOCA, Association of National Olympic Committees of Africa, waxaana kasoo qayb galay dhammaan wadamada xubnaha ka ah , iyo guddoomiyaha IOC Dr. Thomas Bach, waxaana Soomaaliya uga qayb galay Xogahayaha Guddiga olombikada Soomaaliyeed Duraan Axmed Faarax.

Shirkaan oo labadii sanaba mar la qabto ayaa magaalada Port Louis ee dalka Mauritius ka socday 24-25 bishan November waxaana aad loogu lafa guray waxyaabihii lasoo qabtay labadii sano ee lasoo dhaafay iyo qorshaha soo socda oo ay ugu horeyso ciyaraha Olombiakda aduunka

 

Waxaa ugu horreyn shirka ka hadlay guddoomiyaha ANOCA Gen. Lassana Plenfo oo ka warbixyay Horumarka ay ANOCA ku talaabsatay labadii sano ee lasoo dhafay, sidoo kale waxaa warbxino laga dhagaystay xoghayaha Thomas Sithole iyo khasnajiga Habu Gumel, dhanka kale guddoomiyaha IocDr. Thomas Bach ayaa shirka ka jeediyey warbixin dheer oo ku aadan qorshaha IOC 2020 iyo sida looga baahan yahay guddiyada Olombikada Qaaradda afrika iney u dabaqaan qorshahaas.

Waxaa kaloo warbixinno soo jeediyey ururuka ciyartoyda Afrika , ANOCA athletes commission ,ururuka haweenka iyo isboortiga , kooxda Olympic Solidarity oo uu horkacaayo madaxooda Pere Mirom iyo kooxda Rio 2016 oo ka warbixiyay halka ay mareyso diyaargrowga marti gelinta tartanka olombikada aduunka.

Geesta kale Xoghhayaha Gos Duraan Axmed Faarax ayaa inta uu shirka socday kulamo la qaatay Madaxda IOC iyo Madaxada ANOCA waxuuna kala hadlay sidii loo horumarin lahaa isboortiga Afrika gaar ahaan Soomaliya oo kujirta xaalad u baahan in mudnan gaar ah la siiyo waxuuna kulankooda kusoo dhamaaday guul.

 

W/D: Xuseen Maxamed Hadaafow

Waaxda Warfaafinta Gos