Madaxweynaha Jamhuuriyadda Federaalka Soomaaliya Mudane, Xasan Sheekh Maxamuud iyo Guddoomiyaha Baarlamaanka Federaalka Soomaaliya ayaa maanta xarunta madaxtooyada ku qaabilay Masuuliyiin ka socotay Guddiiga Olombiaka Soomaaliyeed iyo ciyaartooyda xulka Qaranka Soomaaliyeed uga qeyb-galeysa tartanka Olimbikada adduunka ee RIO 2016 oo lagu qaban doono dalka Brazil.

 Madaxweynaha ayaa  si diiran xafiiskiisa ugu soo dhaweeyay Guddoomiye ku xigeenka Gos  Ahna  Kusimaha Guddoomiyaha Axmed Cabdi Xasan Wataac,  Kusimhaha Xoghayaha Gos,  Maxamed Xuurshe Xasan Eenoow, Guddoomiyaha  XSCF Khadiijo Aadan Daahir , Macalinka iyo Labada ciyaaryahan tartanka ka qeybagalaya.

 Ugu horeyn waxaa halkaas ka hadlay Kusimaha Xoghayaha Gos M Eenoow, waxuuna Madaxweynaha   uga mahad celiyay  casuumaada gaarka ah uu  u fudiyay  iyo sida uu ugu heelan yahay inuu dhiira geliyo ciyaartoyda  u taagan in ay Calanka soomaaliyeed daafacaan.

Madaxweynaha ayaa dhiira-geliyey islamarkaana Calanka dalka guddoonsiiyey ciyaariyahanada  Maxamed Daa’uud Maxamed iyo Maryam Nuux Muuse oo ka qeyb galaya tartarnka RIO 2016 gaar ahaan ciyaaraha fudud.

 "  Waxaa guul inoo ah inaan  ka qeyb galeyno tartankaas, waxaan aad iyo aad ugu kalsoonahay inaad guul ka keeni doontaan ciyaraha Olimbikada  adduunka ee RIO 2016 oo aad ka qeyb galeysaan. Dowladda Soomaaliya diyaar ay la tahay wax walba oo idin fududeynaya inaad ku guuleysataan tartarnka, sidoo kale  dhammaan shacabka Soomaaliyeed garabkiina ayey taagan yihiin” ayuu yiri Madaxweynaha.

 Ugu dambeyntii, madaxweynaha  dalka  Mudane Xasan Sheekh Maxamuud ayaa u rajeeyey ciyaartoyda in  Brazil  inay guul ka soo hoyn doonaan tartarnka , wuxuuna u ballan-qaaday in dib u soo laabashadooda loo sameyn doono soo dhaweyn ballaaran.

 Wafdiga lagu wado in ay beri dalka ka amba  baxaan ayaa ka kooban  Maxamed Daa'uud Maxamed ,Maryan Nuux Muuse , Macalin Maxamuud Cadow Nuur iyo  Marwa Khadiijo Aadan Daahir oo waftiga muqdisho ka baxayaa Hogaamineysa.

 Waaxda Warfaafinta Gos

info@nocsom.com