Guddiga Olombikada Soomaaliyeed ayaa maanta magaalada muqdisho ku yeeshay shirka guddigiisa fulinta ugu horeeya sanadka 2017, waxaana ka soo qeybgalay xubnaha guddiga fulinta iyo Guddoomiye sharafeedka GOS Cabduqaadir Ibraahim Gacal Abkoow.

Shirkan oo uu  shir-guddoominayay guddoomiyaha GOS Mudane Cabdullaahi Axmed Tarabi, ayaa looga hadlay Waxyaabihii GOS u qasboomay sanadkii tagay 2016 iyo Qorshaha sanadkan 2017.

Qorshaha lagu soobandhigay shirka waxaa ka mid ahaa Seminaaro dhanka Maamulka oo loo qabanayo masuuliyiinta Isboortiga dalka, Macalamiinta , ciyaartoyada ciyaaraha ka fariistay,macalimiinta Iskuulada, gobolada dalka, Horumarintagaroomada kale gedisan ee Sportiga iyo tayaynta Ciyaartoyda heer qaran gaar ahaan kuwa ciyaaraha Fudud oo loo sameynayo xero tabaar oo dalka gudahiisa iyo  dibadiisa ah, Seminaaro heer caalami oo dalka lagu qabanayo iyo kuwa dalka dibadiisa looga qeyb galayo iyo qabashada tartamada  aas-aasiga Sportiga.

Dhanka kale Xubnaha Guddiga Fulinta ayaa ka dooday qodobadii lasoo bandhigay iyo hanaanka dhaqaalaha waxayna kadib falanqeyn dheer isku raaceen in qodobadaas loo gudbiyo Shirweynaha si looansaxiyo.

Ugu dambeyn Guddoomiyaha GOS Mudane Cabdullaahi Axmed Tarabi oo shirka soo xeray ayaa amaan usoo jeediyay Xubnaha Guddiga oo dood-wadaag Hufan shirka ku waday waxuuna sheegay in sanadkan looga fadhiyo horumar ka ballaaran kii sanadki hore.

 

 Waaxda Warfaafinta GOS
Info@nocsom.com