Seminarka oo ka dhacay Magaalada Dubai ee Isutagga Imaaraadka carabyt, waxaa diyaariyey IOC, ANOC, iyo TMS oo ah qeybta IOC u qabilsan Taleefishinada iyo adeegyada suuqgeynta (Television and Marketing Services (TMS), waxaana Soomaaliya uga qeyb galay Guddoomiyaha iyo Guddoomiye ku xieenka GOS Cabdullaahi Axmed Tarabi iyo Iraahim Shaamoow.

Guddoomiytaha GOS Mudane Tarabi oo Muhiimada Seminaarka ka warbixyay ayaa sheegay in Muhiimada seminaarka ay ehady.

1-Sidii ay wadamada Caalamka uga faa’iideysan karaan nidaamka suuqgeynta kaasoo laf- dhabar u ah horumarinta qeybaha kale gedisan ee isboortiga.

2-In Maalgeliyaasha IOC oo ah 13 shirkadood aan la Isticmaali Karin Magacooda,, balse kuwa gudaha muhiimad gaar ah la siiso.

3-In Astaanka Olombikada (Olympic Brand) aysan isticmaali Karin shirkad ama shaqsi gaar ah iyadoon ogolaansho ka haysan Guddiga Olombikada isla markaana aysan ka warqabin IOC.

4-In Magaca Guddiga Olombikada aysan qaadan Karin cid aan Olympic ahayn, sida degmo iyo Gobol iyo qof Isboortigiisa masuul ka ah.

Guddoomiyaha  GOS Mudane Tarabi ayaa dhanka kale sheegay in GOS xoogga saari doonto sidii nidaamka Suuqgeynta Isboortiga looga dhqan gelin lahaa dalka si ay uga faa’iideystaan xiriirada, kooxaha iyo Ciyaartoyda qeybaha kale gedisan ee Isboortiga dalka.

Seminaarkan oo  mid sanadle ah ayay IOC ugu talo gashay in ay sare ugu qaado dardar gelinta qeybaha aasaasiga u ah Horumarinta Isboortiga Suuqgeyntana  ay tahay tan koowaad si loo hiigsado horumar la taaban karo.