Tartanka oo ah kii saddaxaad ayaa waxaa ka qayb galaya 53 dal oo qaaradda afrika waxaana Soomaaliya uga qayb galaysaa Ciyaaraha Fudud iyo Taekwondo-ga.

Ilham_Adam oo kamid ah ciyaaartoyda qaranka Taekwondo-ga ayaa guul usoo hoysay Dalkeena Soomaaliya kadib markii ay kaalinta saddaxaad ka gashay tartanka Taekwondo-ga qabyta Gabdhaha Miisaankooda ka wayn yahay 63KG iyadoo Biladda Maarta lagu abaalmariyay.

Dhanka KaleAgaasimaha Guud ee GOS , isla markaana ah Madaxa Wafdiga Ciyaartoyda Soomaaliyeed ee tartanka ka qayb galaya Cali Axmed Maxamuud (Kuukaay) ayaa ka qayb galay Shir aan caadi ahayn oo Wadamada qaaradda Afrika ku yeeshaay Algers, kaasoo looga hadlay hanaanka Doorashada Madaxwaynaha Anoca, waxaana dood dheer kadib laysku raacay in doorashadaKa dhacdo Magaalada Tokyo ee dalka Japan halkaasuu 30-ka Bisha November ka dhici doona Shirka IOC.

Ciyaartoyda Soomaaliyeed ee ka qayb gala ciyaaraha caalamiga ayaa sanadihi u dambeeyay is badal muuqa ka samaynayay tartamada caalami waxaana 25 bishan tartami doona Ciyaartoyda orodada ee tartanka ka qayb galaysa.

Waaxda Warfaafinta GOS

info@nocsom.com