Waxaa ka furmay maalintii talaadada 19 Oct 2010 magaalada Acapulco ee cariga Mexico shirweynihii 17aad ee urur weynaha Olympicada qaramada adduunka (Associationa of National Olympic Committees). Shirkaan waxaa la qabtaa labadii sanaba mar. Maalintii Talaadada 19/10 waxaa gooni gooni u kulmay qaaaradaha kala duwan sida Africa (ANOCA), Asia (OCA), Americas (PASO) Europe (EOC) iyo Oceana (ONOC). Shirkaan waxaa Somalia uga qayb galaaya Guddoomiye ku xigeenka 1aad ee GOS Duran A. Farah, kulankii ANOCA waxaa maamulka ka warbixiyeen horumarkii iyo waxqabadkii uu ku talaabsaday ururku.
Maalintii Arbacada 20/10 ayaa waxaa furmay shirweynihii 17aad ee ANOC waxaana si rasmi u furay madaxweynaha dalka Mexico Filipe Calderon, dabadeedna waxaa la guda galay hawlihii shirka, waxaa 4 sano oo danbe loo doortay Mario Vasques Rana oo u dhashay dalka Mexico inuu ahaado madaxa ANOC, asagoo urukan madax ka ahaa tan iyo markii la asaasay 1979.
Shirkaan oo socon doona ilaa iyo maalinta axadda 24/10 ayaa waxaa xusid mudan in ay kasoo qayb galayaan shirkaan wasiirada sportiga ee addunka markii ugu horeysay iyadoo la doonayo in la isla meel dhigo sidii dawladahu gacan u siin lahaayeen guddiyada Olympicada qaramada si wax loogu taro dhalinta soo koeysa. Habeenimadii Arbacada 20/10 waxaa wafdiyadii casho sharaf u sameeyey Guddiga Olympicada Mexico.
Xafiiska Warbaahinta ee GOS
GOS oo ka Qeyb Gashay Congress 17aad ee ANOC
Waxaa ka furmay maalintii talaadada 19 Oct 2010 magaalada Acapulco ee cariga Mexico shirweynihii 17aad ee urur weynaha Olympicada qaramada adduunka (Associationa of National Olympic Committees).