Xaflad si weyn loo soo agaasimey oo lagu furayey seminar dhinaca hogaaminta maamulka ciyaaraha ah ayaa waxaa lagu qabtey xarunta gudiga olombikada Soomaaliya uu ku leeyahay Muqdisho, iyadoo ay kasoo qeyb galeen ilaa 25 xubnood oo ka socdey dhalinyarada ka shaqeysa sportiga iyo ciyaartoyda ka soo baxdey jaamacadaha dalka. Xafladda ayaa waxaa kasoo qeybgalay Masuuliyiin uu ka mid yahay wasiir-ku xigeenka wasaaradda horumarinta adeega bulshada Bashiir Maxamed Jaamac,Agaasimayaasha wasaaradda ,Madax ka tirsan xiriirada kala duwan iyo marti sharaf kale.Gudoomiyaha gudiga olombikada C/laahi Axmed Tarabi ayaa sheegey in gudiga Olombikada had iyo jeer isku howlo sidii dhinaca waxbarashada sportiga loogu hormarin lahaa jiilka cusub ee la doonaayo inay berito maamulaan ciyaaraha dalka."GOS waxay isku howleysaa in horumarinta ciyaaraha iyo dhinaca maamulka aanu gaarsiino heer sare,wuxuuna socon doonaa bilooyin badan 2-dii bilood sidaan oo kale ayaan u qaban doonaa"Wasiir-ku xigeenka wasaaradda Horumarinta adeega bulshada Bashiir Maxed Jaamac oo halkaasi ka Hadley ayaas sheegey in gudiga olombikada aad ugu hambalyeynayo horumarinta dhinacyada kala duwan ee ciyaaraha ee ay wadaan,isagoo kula dardaarmey inay gaarsiiyaan gobolada dalka."Runtii waa waxweyn in maamulka sportiga la siiyo dhalinyarada isla markaana la gaarsiiyo soomaalida meel kasta oo ay joogto sababtoo ah, waa muhiim in la helaa dadkii na bedeli lahaa"ayuu raaciyey.Ugu danbeyntii wuxuu halkaasi kula dardaarmey dhalinyaradii halkaasi loogu furey seminaarka,iney ka faaideystaan maadaama laga doonayo inay berito maamulaan sportiga isagoona si rasmi ah u furey tababarkaasi.
Gudiga Olombikada S oo Seminaar dhinaca Maamulka Ciyaaraha ka furey Muqdisho
Xaflad si weyn loo soo agaasimey oo lagu furayey seminar dhinaca hogaaminta maamulka ciyaaraha ah ayaa waxaa lagu qabtey xarunta gudiga olombikada Soomaaliya uu ku leeyahay Muqdisho, iyadoo ay kasoo qeyb galeen ilaa 25 xubnood oo ka socdey dhalinyara