Shirweynihii 6-aad ee xiriirka kubadda gacanta ayaa maanta lagu qabtey Hotelka Shamow ee magaalada Muqdisho,iyadoo ay kasoo qeybgaleen dhamaan kooxaha hoos taga xiriirka,madax ka socota GOS,bahda saxaafadda iyo marti sharaf kale. Shirweynaha oo lagu dooranayey gudoonka cusub ee Xiriirka kubadda Gacanta ayaa waxaa halkaasi lagu soo bandhigey waxqabadkii xiriirkaasi mudadadii 4-ta sano ee lasoo dhaafay,waxaana warbixin ka aqriyey Maxamed Xuurshe Eenow oo ahaa gudoomiyihii xiriirkaasi isla markaana ahaa musharaxa keliya ee mar kale u taagnaa doorashada. Khabiir Xaaji Maxamed Axmed Colow oo kasocdey gudiga Olombikada Soomaaliyed ahaana gudoomiyaha doorashada ayaa halkaasi uga mahadceliyey kooxaha Xiriirka iyo hogaankiisii mudadii 4-ta sano ee lasoo dhaafay isagoo halkaasi ka aqriyey musharixiinta u taagan xilkaasi 4-ta sano ee soo socota. Waxaa halkaasi ugu horeyn lagu soo bandhigey Maxed Xuurshe xasan (Eenow) oo u taagnaa jagada Gudoomiyaha iyadoo aysan jirin cid la tartameysay waxaana codkooda siiyey 6-da kooxood ee u diiwaangashan xiriirka iyo ururka arimaha ciyaaraha,iyadoo cod gacan taag ah lagu ansixiyey in Eenow mar kale hayo jagada ugu sareysa xiriirka ilaa 2017. Sidoo kale waxaa halkaasi lagu ansixiyey gudiga kale ee xiriirkaasi oo gaaraya ilaa 10 xubnood oo kale waxayna kala yihiin:- 1-Maxamed Xuurshe eenow -Gudoomiye2-Maxamed C/laahi Cali - G/K/X /1aad. 3-Shamso C/dulle Maxamuud K/X/2-aad4-C/salaam Axmed Guuleed -G/K/3-aad5-Nuur Maye Cismaan -Xoghaye6-Cawil Nuur Magan -Xubin7-Geediyo Cali Abshir -xubin8-Maxed Maxamuud Burci -Xubin9-C/salaam Muumin -Xubin10-C/qaadir X. Adan Buule –Xubin11-Shiikh Daahir -Xubin C/xafiid C/samad ZaciimkaZaciimka02@hotmail.com