Iyadoo bulshada Islaamka gaar ahaan Soomaalida meel weliba oo ay caalamka ka joogto u bilatey bisha Shawaall ee Ciidul-fidriga kadib markii ay dhamaatey bishii Ramadaan ayaa gudiga ugu sareeya heyadaha sportiga dalka ee GOS hambalyo balaaran hawada u marisey dhamaan Soomaalida iyo Islaamka oo dhan.

War saxaafadeed ka soo baxay xafiiska GOS oo uu ku saxiixnaa xoghayaha Duraan Faarax isla markaana ah xubin katirsan Anoca,ayaa bulshada Soomaaliyeed iyo dhamaan Muslimiinta caalamka loogu  hambalyeeyay bilashada Bisha Shawwaal ee caawa dhamaan muslimiinta caalamku u bilaabatey,iyo farxadda Ciidul Fidriga,sanadka kiisa xigana alle nagu gaarsiiyo caafimaad.

"anigoo ku hadlaya magaca dhamaan gudiga Olombikada iyo Xiriiradiisa waxaan aad ugu faraxsanahay bilashada Ciida,sidoo kalena waxaan Alle ka baryeynaa inuu naga aqbalo waajibaadkii aanu gudanay ee Ramadaan,taasi oo dhamaan Muslimiinta caalamka lagu waajib yeelay,waxaana dhamaan muslimiinta iyo islaamka meel weliba ay joogaan la qeybsanaynaa farxaddaasi ciidda ”ayuu yiri Duran.

Hambalyada uu umadda islaamka ah gaar ahaan Soomaalida u jeedinayaan GOS ayaa imaaneysa xili berito Isniin ah dhamaan muslimiinta caalamka u bilatay bisha Shawaal,iyadoo dhamaan dalka Soomaaliya si weyn looga dareemayo caawa farxadda diyaargarowga Ciidul fidriga.

Waaxda warfaafinta GOS

Muqdisho–Somalia