Xiriirka Kubadda koleyga Soomaaliya ayaa si weeyn uga soo muuqdey kuraasta iyo Shirarka caalamiga ah, gaar ahaan qaaradda africa ee FIBA AFrica,kadib markii Ku-simaha GXSKK iyo Xoghayaha XSKK ay ka qeybgaleen Congresskii 16-aad ee FIBA Africa oo 31'ka July-1da Augost ka dhacay caasimadda Madagascar ee Antananarivo.

Shirweynaha 16"aad ee FIBA Africa ayaa waxaa usoo xaadirey ilaa 37 dal oo Somalia kujirto,kuwaasi oo xubno ka ah FIBA,waxaana lagu soo bandhigey waxqabadkii gudigii howshaasi wadey afartii sano ee lasoo dhaafay sida uu ii sheegay Said farah oo ah xoghayaha XSKK oo kamida madaxda Somalia u meteshay shirkaasi.

"waxaa halkaasi lagu soo bandhigey shuruucda cusub oo lagu dhaqmi doono sida tartamada loo ciyaari doono ( home and away )iyo dardargalinta horumarinta kubada Koleyga ee Africa"ayuu raaciyey xoghayaha.

Shirweynaha ayaa waxaa lagu doortey hogaan cusub oo ay yeelatey FIBA Africa,kaasi oo Gudoomiye loogu codeeyay  Nianag hamedu oo u dhashey dalka Mali,isagoo bedelaya  Mabusa Eseka Dieudonne, oo u dhashey Republic of Congo,xilkaasina soo hayey 4tii sano ee lasoo dhaafay.

Madaxda Xiriirka K Koleyga Soomaaliya ee shirkaasi ka qeybgashey Cali Xasan Cali oo ah Ku-xigeenka gudoomiyaha iyo Xoghaye Siciid Faarax Ducaalle ayaa halkaasi,kulan kula qaatey Madaxda Xiriirka Kubadda koleyga ee Masar,iyagoo kala hadley sidii labada dal isaga kaashan lahaayeen horumarinta Kubadda koleyga dhinac walba.

C/xafiid C/samad Zaciimka

Waaxda warfaafinta ee GOS