Kulankan oo furmaya maanta oo Khamiis ah ayaa waxaa ay madaxda Olimbikada Soomaaliyeed ka qaybgeli doonaan kulanka ugu horeeya oo maanta ay qaaradaha kala duwani si gooni gooni ah ugu yeelan doonaan halkasi ayagoo qayb ka ahaan doona kulanka guddiyada Olimbikada ee qaaradda Afrika halkaasoo la filayo in ay ka soo jeediyaan warbixin ku aadan horumarka sport ga dalka guud ahaan iyo gaar ahaan xawliga uu ku socdo dhaqdhaqaaqa Olimbikada dalka.

Maalinimada berrito ah ayey guddoomiyaha iyo xoghayuhu goob joog ka ahaan doonaan kulanwaynaha 19 aad ee ururka guddiyada Olimbikada adduunka ee ANOC kaasoo warbixino looga dhagaysan doono guddiyada joogtada ah ee ururkaasi, wixii u qabsoomay iyo waxyaabaha la filayo in ay qabtaan mustaqbalka.

Ugu dambayn ayaa waxaa kulanwaynahan uu markii ugu horeysay taariikhdiisa bixin doonaa abaalmarin loogu magac daray "ANOC Award" laguna abaalmarin doono shaqsiyaad ka tirsan guddiyada olimbikada kala gedisan ee muujiya waxqabad dheeri ah oo ku aadan horumarinta olimbikada adduunka ama dalkooda iyo waliba cayaartoyda ayagu ka muujiya dadaalka dheeriga ah kulamada olimbikada dunida taasoo sida ay sheegeen madaxda ANOC wax badan ka tari doonta dhiirigelinta dadka ayagu ku hawlan howlaha horumarka olimbikada adduunka.

Mudada ay ku sugan yihiin kulanwaynaha ayey guddoomiyaha iyo xoghayaha GOS waxa ay kulamo la qaadan doonaan madaxda ANOC iyo kuwa qaaradda intaba ayagoo kala hadli doona sidii loo sii adkayn lahaa taageerada iyo xiriirka adag ee ka dhexeeya GOS iyo ururadaas una soo bandhigi doona qorshaha horumarineed ee ay ka wadaan dalka Soomaaliya oo ka soo kabanaya burbur iyo colaad aad u baaxad wayn.

ANOC Award