Kooxda kubadda kolayga ee I.L.S ayaa ka adkaaday kooxda Dekedda kulan ka tirsan koobka kubada kolayga Jenaraal Daa'uud oo ka dhacay garoonka Wiish.
kulankan uu labada koox u ahaa kulankii afaraad ee wareega hore ayay labada koox soo bandhigeen ciyaar xirfaddeedu aad u sareyso waxaana u soo daawasho tagay dadwayne badan oo jecel ciyaaraha kubadda kolayga oo ay qayb ka ahaayeen masuuiliyiin waxaana qaybtii hore ee ciyaarta lagu kala nastay 28-20 oo ay I.L.S ku hogaaminayso.
Marki laysku soo laabtay kooxda Dekedda ayaa aad ugu soo dhawaatay in ay soo barbarayso, balse daqiiqadihi ugu dambeeyay ciyaarta ayay kooxda I.L.S dheeraysatay hogaanka waxayna ciyaarta ku soo gebagebowday 55-43 oo ay guusha ku racaday kooxda I.L.S.
Cabdirisaaq Cabdisalaan oo kooxda I.L.S u qaata No.9 ayaa noqday dhaliyihii ugu fiicnaa kulankan wuxuuna dhaliyay 6 jeesto iyo Personal oo u dhiganta 13 dhibcood, isaga ayaana loo aqoonsaday laacibka ciyaarta.
Dhanka kale waxaa xalay garoonka Wiish ka dhacay tartanka tuurashada dheer (Three Points), waxaana ku loolamay cayaaryahanada kala ah Mandella oo u cayaara Dekedda, Yaxye oo I.L.S ah, Maxamed Talyaani oo Horseed u safta iyo Warsame oo asaguna u cayaarah kooxda Plasma, waxaana kaalinta koowaad ku soo baxay Maxamed Talyaani oo saxay 10 tuurasho waxuuna semi finlka tartanka tuurashada la ciyaari doonaa Cabdfitaax Buukaale.
W/D: Xuseen Maxamed Hadaafow
Nocsom Media Department
Kooxda I.L.S oo talaab u jirsatay koobka JD kadib guul ay xalay ka gaartay Dekedda+Sawirro
Kooxda kubadda kolayga ee I.L.S ayaa ka adkaaday kooxda Dekedda kulan ka tirsan koobka kubada kolayga Jenaraal Daa'uud oo ka dhacay garoonka Wiish.