Shirkii saddex biloodlaha ahaa ee guddiga Fulinta ayna ka soo qayb galeen xubnaha guddiga fullinta ee Guddiga Olimbikada Soomaaliyeed iyo guddoomiye Sharafeedaka GOS Cabduqaadir Gacal Abkoow ayaa lagu qabtay Hotel Shamo ee magaalada Mogadishu.
Shirkan oo uu guddoominayey guddoomiyaha GOS C/Laahi Axmed Tarabi ayaa ugu horeyntii waxaa guddiga u soo jeediyey warbixin ka hadlaysa waxqabadkii GOS ee saddexdii bilood ee la soo dhaafay Xogahaya GOS Duraan Axmed Faarax asagoo qeexay hawlihii lagu guulaystay, caqabadihii ka horyimid iyo waliba hawlaha foodda ku soo haya intaba.
Warbixintaasi ka dib ayaa waxaa xubnaha guddigu ay guda galeen ka doodista ajandaha shirka, oo qodobadiisa ay ka mid ahaayeen u diyaar garowga Maalinta Ciyaartoyda Soomaaliyeed (Athletes Day) oo guddigu ay horay isugu raaceen in 6-da April loo dabaaldego, soo jeedin guddoomiye Tarabi uu soo jeediyey in la kordhiyo miisaaniyada dhaqaale ee sanadkiiba GOS siiso xiriirada si xiriirada ay u horumaraan iyo u diyaargarowga cayaaraha All African Games oo bisha September ee sanadkan ka dhici doona dalka Congo.
Xubanha guddiga Fulinta ayaa isku raacay dhamaan waxyaabihii ugu muhiimsanaa ee shirka, waxay dhanka kale isku raaceen qaabka xubno cusub ugu soo biiri karaan guddiga Fulinta iyo waxa laga yeelayo haddii masuul guddiga fulinta ku soo galay xiriir uu madax ka ahaa uu waayo xilka xiriirka uu madaxda ka ahaa.
Guddoomiyaha Guddiga Olombikada Soomaaliyeed Cabdullaahi Axmed Tarabi oo la hadlay xubanaha guddiga fulinta ayaa sheegay in sanadkan ay qaateen talaabooyin muhiim ah, "Waxaan kulminay bahdii hore ee isboortiga si aan talo horumarineed ula wadaagno, Waxaan kulamdo la qaadanay wasiirka dhalinyarada iyo isboortiga Maxamed Cabdullaahi Xasan Nuux iyo Afhayeenka Barlamaanka Soomaaliya Maxamed Shiikh Cismaan jawaari si ay dowlddu u qaadato doorka ay ku leedahay horumarinta isboortiga Dalka” Ayuu guddoomiye Tarabi u sheegay Xubanaha Guddiga Fulinta waxuuna kula dardaarmay in ay u istaagaan howlaha adag ee horyaalka GOS.
Guddoomiye Tarabi ayaa dhanka kale guddi u saaray Munaasabadda Maalinta loo asteeyay CIyaartoyda Soomaaliyeed Somali Athletes Day.
W/D: Xuseen Maxamed Hadaafow
Waaxda Warfaafinta GOS
Facebook 
Twitter 
0 
Guddiga Fulinta ee GOS oo shir ku yeeshay Magaalada Muqdisho +sawiro
Shirkii saddex biloodlaha ahaa ee guddiga Fulinta ayna ka soo qayb galeen xubnaha guddiga fullinta ee Guddiga Olimbikada Soomaaliyeed iyo guddoomiye Sharafeedaka GOS Cabduqaadir Gacal Abkoow ayaa lagu qabtay Hotel Shamo ee magaalada Mogadishu.