Los Angeles ayaa dhankeeda loo magacaabay in ay tartanka qabato 4 sano keddib waqtigaas, waxayna martigelin doontaa 2028-ka sida uu Guddiga Caalamiga ah ee Olympic-ka International Olympic Committee xushmad ahaan ugu muujiyay LA.

Labada magaalo ayaa aad isugu garbinayay martigelinta ciyaaraha 2024, ka hor inta aysan LA Aqbalin in ay iska sugato 4 sano oo dheeri ah keddib markii IOC ay u ballan qaadday in ay siin doonto tartanka xiga.

Ciyaaraha Paris Games, waxay fashilmeen sanadihii 2008 iyo 2012, waxayna u noqon doontaa 100-sano keddib in ay caasimadda Faransiisku martigeliso ciyaarahan.

Los Angeles ayaa qabatay laba mar oo kala ahaa 1932 iyo 1984.

Paris iyo Los Angeles ayaa ahaa kaliya labada musharrax ee u taagan sanadka 2024-ka keddib markii Hamburg, Rome iyo Budapest ay tartanka ka baxeen.

Guddiga IOC ayaana u codeeyay June cidda qabaneysa ciyaarahaas 2028 si la mid ah waqtiga ay dhacayaan ee 2024-ka.

Magaalada reer California waxay dooneysay qabashada ciyaarahan, maaddaama ay u diyaarsaneyd Paris ayaase sheegtay in ay tahay mid wax walba u dhammeystiranyihiin si ay u qabato ciyaaraha 2024-ka.

IOC madaxweynaheeda Thomas Bach ayaa yiri codadka labada magaalaba waxay ahaayeen "Kuwo la isku raacay”.