Guddoomiyaha Guddiga Olambikada Soomaaliyeed Aadan Xaaji Yabaroow [Wiish] ayaa Hambalyo iyo bogaadin u diray xulka kubadda cagta oo guul weyn ka soo hoyay ciyaar ka tirsan isreebreebka CAF U17 oo ka dhacay dalka Jabuuti. Guddoomiyaha GOS Aadan Xaaji Yabaroow [Wiish] ayaa ku tilmaamay guul weyn oo u soo hoyatay dhamaan shaacabka Soomaaliyeed gaar ahaan bahda isboortiga wuxuu ammaan u soo jeediyay xiriirka kubadda cagta iyo ciyaartoyda xulka Qaranka sida wacan ee ay u muujiyeen kartida iyo ciyaar wanaagga .
"Guushan runtii aad ayay ii farxadgelisay 3-1 in xulka Somalia uga badiyaan dhiggooda dalka Kenya waan la qeybsanayaa caawa farxaddan xiriirka Kubadda cagta, ciyaartoyda ,macalimiinta iyo dhamaan ummadda Soomaaliyeed ee jecel horumarka isboortiga Soomaaliya" sidaas waxaa yiri Guddoomiyaha GOS Mudane Wiish.
"Waxay qeyb ka tahay dadaalada GOS ay ku dhiirigelinayso isbedelo cusub oo dhinaca horumarka isboortiga loo qaado, hadda ka dib waa inaan ku fekirnaa guul inaan kala soo laabano fagaarayaasha caalamka" ayuu raaciyay Guddoomiyaha GOS Aadan Xaaji Yabaroow [Wiish] .
Dhanka kale Guddoomiyaha ayaa ku booriyay Soomaalida meel kasta oo ay joogaan in ay taageero baaxad leh u fidiyaan xulkooda si ay mar walba ugu dhiiradaan in ay guul ku talaabsadaan.
Ma`aha markii ugu horeysay ee Hambalyo warbaahinta loo soo mariyo xulka kubadda cagta, balse waxay tani muujinaysaa isbedelka hogaanka GOS uu haatan ku doonayo inay kor u kacdo sumcadda isboortiga Soomaaliyeed.
Xafiiska Warbahinta ee GOS
Guddoomiyaha GOS oo u hambalyeeyey XSKC
Guddoomiyaha Guddiga Olambikada Soomaaliyeed Aadan Xaaji Yabaroow [Wiish] ayaa Hambalyo iyo bogaadin u diray xulka kubadda cagta oo guul weyn ka soo hoyay ciyaar ka tirsan isreebreebka CAF U17 oo ka dhacay dalka Jabuuti.