Munaasabadda Maalinta Olambikada Adduunka (Olympic Day) ayaa waxaa si weyn looga xusay dalka Soomaaliya , garoonka Olympic Fitness Center ee magaalada Muqdisho ayaa waxaa lagu qabtay tartamo isboorti oo kala duwan kaasoo lagu weynaynayo munaasabadda 23-ka June oo ku astaysan maalinta Olambikada Adduunka Munaasabadda iyo Tartamadaasi ayaa waxaa ka soo qeybgalay Mas`uuliyiin ka socda wasaaradda isboortiga iyo Guddiga Olambikada Soomaaliyeed iyo dadaweyne aad u fara badan waxaana lagu daawaday ciyaaro isugu jira Orodo, Teakwando,Kubadda Laliska. Iyo Xarig Jiidka .
Mas`uuliyiinta G.O.S ayaa waxay xiriirada iyo Hay`adaha ka qeybqaatay munaasabadan maalinta Caalamiga ee 23-ka June (Olympic Day 2010) ku guddoonsiiyeen Shahaado Sharaf, waxana hadalo ku aadan qiimaha munaasadan iyo sida ay uga qeybqaadatay sanadkaan G.O.S ka soo jeediyay Guddoomiyaha Guddiga Olambikada Soomaaliyeed wuxuu tilmaameen in munaasabadan awgeed ay la qeybsanayaan asaagood Olambikada Caalamka.
"Guddiga Olambikada Caalamka iyo Guddiga Olambikada Soomaliyeed waxaa farxad weyn u ah munaasabadda Olambikada Adduunka, waa maalin nagu weyn hadaynu nahay bahda Isboortiga" ayuu yiri Guddoomiyaha GOS Md. Wiish oo raaciyay inay ku soo dhaweeyeen munaasabadan tartamo kala duwan . waxaan u mahadcelinayaa xiriiradii ka qeybqaatay munaasabadan.
Munaasabadda Olambikada Adduunka (Olympic Day ) oo sanad walba 23-ka June laga xuso dalalka Caalamka ayaa waxaa sanadkan uu yahay sanadkii labaad ee lagu soo koobay Olympic Day iyadoo hore loo oran jiray (Olympic Day Run), guud ahaan munaasabaddan ayaa waxaa caasimadda Soomaaliya ee Muqdisho looga xusay si weyn waxaana goob joog ka ahaa munaasabadan mas`uuliyiinta G.O.S ee kala ah Guddoomiyaha GOS Aadan Xaaji Yabaroow (Wiish),Guddoomiye kuxigeenada Xaaji Cabdi Cilmi Warsame, Xasan Axmed Cabdi (Xasan Elman), Madaxda xiriirada Prof: Maxamed Cali Caddoow , Ibraahim Xuseen Cali (Roombo), Maxamed Axmed Coloow (Xaaji Coloow), Aweys Abanuur Abati (Orafeeyo),Ku simaah Guddoomiyaha XSCF Khadiijo Daahir, Agaasimaha guud wasaaradda dhallinyarada iyo isboortiga Saacid Maxamed Xasan{Baariyoow} madaxda Olambikada Gobolka Banaadir, marti sharaf iyo dad magac ku leh isboortiga Soomaaliyeed.
Maalinta Olimbikada oo Laga Xusay Soomaaliya
Munaasabadda Maalinta Olambikada Adduunka (Olympic Day) ayaa waxaa si weyn looga xusay dalka Soomaaliya , garoonka Olympic Fitness Center ee magaalada Muqdisho ayaa waxaa lagu qabtay tartamo isboorti oo kala duwan kaasoo lagu weynaynayo munaasabadda